CUMPLEANOS KARLA PREGO.

CONTO: "PULGA E O XIGANTE".

O conto é unha das bases para o desenvolvemento intelectual do neno. Entre as múltiples ventaxas dos contos na vida dos vosos fillos serían:

• Escoitar contos fai que os nenos sexan máis reflexivos, xa que neles sempre atoparemos unha mensaxe que os leve a comprender a forma en que deben actuar e comportarse, a saber distinguir entre o bo e o malo.
• Axúdalle a combatir os seus propios temores.
• Estimula a súa memoria e as súas ganas de expresarse.
• Desenvolve e amplían as capacidades de percepción e comprensión do neno.
• Amplían a súa sensibilidade.
• O neno séntese feliz porque os seus pais están ó seu carón, dedicándolle un tempo para atendelo e mimalo.
• O neno aprende máis palabras, o seu vocabulario é máis amplo e este aspecto axudaralle moitísimo posteriormente, porque poderá ler moito mellor.
• Os nenos cuxos pais lles len contos a miudo, saben escoitar e por atención, elementos moi necesarios para unha boa aprendizaxe.
• É unha medida moi efectiva para tranquilizar ós nenos, sobre todo cando os vemos moi inquedos e/ou ansiosos.

A continuación podedes ver os debuxos que fixeron os nenos a partir do conto "Pulga e Xigante".

RAINBOW!

Onte tocounos repasar as cores e o fixemos recordando a canción do "Rainbow"
(Arco da Vella).
Gústanos moito esta canción porque fomos disfrazados de Rainbow no Entroido...
Bye Bye!!!

ALMORZO NO COLE

Onte  almorzamos no comedor do cole. O menú foi o seguinte: pera, galletas con manteiga e leite con cacao. Aprendimos moito sobre as dietas equilibradas e saudables coa roda dos alimentos. Tomasita ensinounos a cepillar os dentes, -moi importante para non ter caries-.

 

                                     

TRABALLAMOS COS NOSOS DEDOS!

A motricidade fina fai referencia a movementos voluntarios moi precisos, que implican pequenos grupos de músculos e que requiren unha boa coordinación. Hoxe explotamos burbullas de plástico e rasgamos papel de xornal cos dedos índice e polgar, para favorecer o desenvolvemento da motricidade fina. Outras actividades que podedes levar a cabo cos vosos fillos para traballar a destreza manual serían:

rasgar papel de periódico cos dedos, facer boliñas de papel, modelar con barro e plastilina, amasar con pasta de sal, fariña…, recortar coas tesoiras, atar  cordóns, abotoar e desabotoar botóns, enroscar e desenroscar tapadeiras de botes ou botellas, pegar pegatinas, prender a roupa, pintar co pincel, facer puzzles e construccións (con pezas pequenas). Animádevos!!

PRIMEIRO CUMPLE DO ANO 2012

AMORODOSS.....

Esta semana tivemos de novo froita para tódolos nenos/as do cole. Onte comemos case unha caixa enteira (2 kg) de amorodos, que ben ulían!, e que ricos estaban...!